Ný vefsíða um vítamín og bætiefni
Vítamín.is er ný upplýsingasíða um vítamín og bætiefni sem Icepharma selur. Ýmist er um að ræða eigin framleiðslu Icepharma eða vítamín sem fyrirtækið flytur inn. Á vitamin.is er einnig að finna almennan fróðleik um vítamín og virkni þeirra.
Vefsíðan www.vitamin.is var opnuð rétt fyrir áramót. Síðan er unnin af starfsfólki Icepharma með það að markmiði að veita upplýsingar um þær vítamínlínur og bætiefni sem fyrirtækið hefur uppá að bjóða. „Á vitamin.is er líka að finna almennan fróðleik um vítamín og bætiefni auk frétta af ýmsu sem er að gerast hér á landi og erlendis og tengist vítamínum og heilsu,“ segir Edda Blumenstein, markaðsstjóri Icepharma. Á vitamin.is er fólki einnig boðið að skrá sig á póstlista. Með skráningu mun fólki berast upplýsingar um tilboð, nýjungar og ýmsan áhugaverðan fróðleik. Fyrstu 200 sem skrá sig á póstlista vitamin.is fá gefins vikuskammt úr Vitabiotics vítamínlínunni.
Edda segir hugmyndina að síðunni hafa vaknað fyrir nærri tveimur árum, en þá þótti vanta síðu þar sem hægt væri að nálgast upplýsingar um mismunandi tegundir af vítamínum og bætiefnum og virkni þeirra á einum stað. „Á síðunni eru greinargóðar upplýsingar um hvert og eitt vitamin sem við bjóðum. Ennfremur hvaða virkni viðkomandi vítamín hefur, hvaðan það er sprottið, hvernig skortur eða ofneysla á því lýsir sér, hverjar geta verið aukaverkanir og auk þess upplýsingar um ráðlagða dagsskammta,“ upplýsir Edda. Hún bendir hins vegar á að þó upplýsingarnar á síðunni séu góðar og gildar, sé fólki ávallt ráðlagt að leita ráða hjá fagfólki en það ákveður að taka inn ákveðin vítamín og bætiefni.
Á vitamin.is er hægt er að leita upplýsinga eftir vörulínum, en auk þess er sérstakur tengill á einstaka heilsuflokka. „Þar er hægt að skoða hvaða vítamín henta mismunandi hópum fólks með ólíkar þarfir. Sem dæmi um flokka má nefna: breytingaskeið, húð, hár og neglur, karlar, konur, meðganga, orka, ónæmiskerfið og sport vítamín,“ segir Edda. Vítamínin og bætiefnin frá Icepharma eru fáanleg í öllum apótekum en ákveðnar línur eru einnig til í völdum dagvöruverslunum eins og Krónunni, Hagkaup, Fjarðarkaupum, Samkaupum og Þinni Verslun.
Nánari upplýsingar á www.vitamin.is og www.icepharma.is. og á facebook síðu vitamin.is
NÝTT Á ÍSLANDI – BARNA D-VÍTAMÍN
Nýjasta vörulína Icepharma eru barnavítamín frá Biomega. Nú er í fyrsta sinn hægt að fá D-vítamín sem er sérstaklega ætlað börnum en í línunni er einnig hægt að fá Barna C-vítamín, BarnaKalk, Barnafjör og Biomega Barnavítamínus.
Reynslan sýnir að mörgum börnum gengur illa að gleypa töflur. Barnavítamínin frá Biomega eru í formi bragðgóðra tuggutaflna í nýjum fallegum umbúðum sem skreyttar eru fígúrum sem tengja saman vítamín og grænmeti.
Þess má geta að Icepharma er eitt af tólf fyrirtækjum sem styrkja Barnaheill á árinu með þátttöku í heillakeðju barnanna. Hvert fyrirtæki tekur að sér einn mánuð og Icepharma sér um október. Í þeim mánuði mun hluti af ágóða af sölu Biomega barnavítamínanna renna til Barnaheilla.
Ath.
Icepharma bendir neytendum á að leita álits hjá lækni eða öðrum fagmönnum áður en ákveðið er að hefja neyslu á vítamínum eða fæðubótaefnum. Þetta á sérstaklega við um ófrískar konur, konur með börn á brjósti, fólk sem þjáist af fæðuofnæmi og fólk sem hefur undirliggjandi sjúkdóma á borð við sykursýki, flogaveiki og ofvirkan skjaldkirtil. Einnig á þetta við fólk sem tekur lyf að staðaldri.
Vítamín eru ekki ætluð til að lækna eða koma í veg fyrir sjúkdóma. Fæðubótaefni eiga ekki að koma í staðinn fyrir staðgott og fjölbreytt mataræði.